Siste nytt frå homo-Noreg

Som vanleg har alt mogleg kome i vegen for Skeive Dagar, så eg må visst feire på andre måtar. Til dømes med ei oppleving frå nettsamfunnet gaysir:

Eg får fyrst ei melding frå ein som kallar seg 4uhornyboy, og blir relativt skeptisk. Men innhaldet syner seg å vere av ein annan art enn eg fyrst trudde:

Hei. Hva mener du om at Folkeregister begynner å bruke andre latinske bokstaver i navn til folk som har andre bokstaver i navn eller etternavn enn bare de som finnes i norsk alfabet. F.eks.; S, c, c, z, . Om en brukte kulepenn ville en kunne skrive disse men PC (IT-revolution) klarer ikke det. Er det PC programmer som ikke klarer det eller er det viljen som mangler?

Eg svarar at dette var ei sak eg ikkje kjende til, men at han har eit poeng. Og er letta over at òg folk som ber namnet 4uhornyboy kan vere oppteken av bokstavstrid. Men kor lenge var Adam i paradis? For to minutt etter tikkar denne meldinga inn:

lyst på treff?

Og då ler eg godt for og av meg sjølv.

Vel heime

Eg har så mykje å fortelje! Ei veke i Marokko og Vest-Sahara med 2000 kilometer busstur gjennom Sahara, møte med menneskerettsaktivistar, sure og blide marokkanske politifolk, saueinnvollar og kamelkjøt til middag, irvige diskusjonar med saharaviar på italiensk, spansk, fransk, engelsk, arabisk og fingerspråk, jævleg mykje te, marokkanske flagg på alle baugar og kantar, solnedgang i ørkenen og fine reisekameratar. Oppsummert: Det kjennest som om eg har vore bort ei æve, og det kriblar i magen av iver etter å gjere noko ut av alt eg har fått oppleve. Dei fantastiske menneska vi har møtt fortener noko betre enn å vere gløymd av storsamfunnet. Eg vonar eg får samla meg og oppsummert litt frå turen på sikt. Men aller helst kan du berre kome på NMU-sumarleiren og høyre kva Birgitta og eg har å fortelje der!

Vonar det ikkje blir brann på sumarleiren

Då er det nemleg denne brannbilen som skal redde oss:

Ja til å vere nei til EU

For tida er Maria, min daglege leiar (og din òg, om du er NMU-medlem), på studietur med Ungdom mot EU til Irland. Der er det nemleg duka for den einaste folkerøystinga om Lisboa-traktaten. Som altså er EU-grunnlova med litt kakepynt, om du lurte.

I dag kom Standpunkt i postkassa. Og eg kjenner eg blir så vanvittig lysten på å drive nei-kamp. EU er ein av dei få tinga eg er skikkeleg forbanna på. Eg kjenner faktisk at det knyt seg i magen når eg les om tenestedirektivet.

Dersom du vil lese meir om kva ein av landets kulaste neifolk tenkjer, tilrår eg den nye, dritlekre bloggen til Tore Syvert Haga, leiar i UmEU.